|
Grasalækningar er elsta lækningaaðferð mannsins sem vitað er um. Til eru egypskar heimildir frá því um 1500 fyrir Krist um notkun hvítlauks, einiberja og myrru til lækninga. Talið er að fyrst hafi menn lagt jurtir sér til munns og þannig fundið út hvor þær væru nothæfar til lækninga. Síðar hafi þeir lært að búa til seyði og leggja jurtirnar við sár. Þannig hafi komið í ljós hvort þær voru eitraðar en þessi vitneskja um lækningamátt jurtanna hefur þróast mann fram af manni. Grasalækningar eru enn þá notaðar um allan heim og sem dæmi má nefna að samkvæmt könnun Alþjóða heilbrigðisstofnunarinnar (WHO) nota um 80% íbúa í Afríku grasalækningar að staðaldri. Í sömu könnun kemur t.d. fram að í Þýskalandi hafa 80% íbúa notað grasalækningar að minnsta kosti einu sinni á ævinni.
Á Íslandi finnast um 80 íslenskar lækningajurtir og heimildir hér á landi finnast í gömlum handritum um lækningamátt íslenskra jurta. Grasnytjar eftir séra Björn Halldórsson í Sauðlauksdal var fyrsta ritið sem gefið var út hér á landi um grasalækningar. Það kom út árið 1783.
Lesa má meira um sögu grasalækninga í eftirfarandi bókum:
|
